Capouchoun
Arisarum vulgare
Araceae
Àutri noum : Calèu, Figuieroun.
Noms en français : Gouet à capuchon, Capuchon.
Descripcioun :Lou capouchoun trachis en group, bonodi soun rizoumo, dins li relarg pulèu safranous proche de la coustiero. En deforo se vèi en liò. Li fueio an un long pecou. Flouris l'autouno e l'ivèr dins uno meno de fuioun en formo de capuchoun.
Usanço :Li tubercule soun manjadis après lis agué fai bouli dins mant'uno aigo. Pamens la planto caup de sapounino empouisounanto e n'en fau s'en mesfisa, fai proun bóumi (emetico).
Port : Erbo
Taio : 3 à 30 cm
Fueio : basalo
Tipe bioulougico : Geoufite
Cicle bioulougico : Planto renadivo
Gènre : Arisarum
Famiho : Araceae
Ordre : Alismatales
Coulour de la flour :
Petalo : ges
Ø (o loungour) enflourejado : 2 à 4 cm
Flourido :
Autouno - Ivèr
Sòu : Si
Autour basso e auto :
Pancaro entresigna
Aparado : Noun
Remarco : Planto de coustiero
Liò : Terraire safrous
- Garrigo
- Roucas
- Éusiero
Estànci : Termoumediterran à Mesoumediterran
Couroulougi : Estenomediterrano
Ref. sc. : Arisarum vulgare O.Targ.Tozz., 1810
Erbo-bruno
Plantago arenaria
Plantaginaceae
Àutri noum : Badasso, Grano-de-niero, Erbo-di-niero, Tèsto-d'aucèu.
Nom en français : Plantain des sables.
Descripcioun :L'erbo-bruno, encaro noumado badasso o grano-de-niero (en counfusioun emé Plantago arenaria), es uno planto de l'an (10 à 60 cm) que trachis dins la sablo e sus li ribo de ribiero. Es uno planto ramificado que douno d'èr à Plantago afra mai que se n'en destrìo d'un biais segur emé si bratèio de la flour coumpausado que soun mai longo qu'elo.
Usanço :Tèn soun noum de la formo de la grano que ramento aquelo de la niero. Bouta dins l'aigo, li grano gounflon proun, e acò es esta emplega en farmacìo (enca à l'ouro d'aro) e dins l'industrìo (mucilage). Ajudo à caga d'un biais dous. De nouta qu'es un farmacian de Perno-li-font, M. Terrasse, que dounè l'enavans de sa culturo en Vau-cluso, dins lis annado 1920. Vèire peréu l'erbo-di-niero.
Port : Erbo
Taio : 10 à 60 cm
Fueio : óupousado
Tipe bioulougico : Teroufite
Cicle bioulougico : Planto de l'an
Gènre : Plantago
Famiho : Plantaginaceae
Ordre : Lamiales
Coulour de la flour :
Blanco
Petalo : 4
Ø (o loungour) flour : 4 mm
Flourido : Printèms
- Estiéu
Sòu : Si
Autour basso e auto :
Pancaro entresigna
Aparado : Noun
Abriéu à juliet
Liò : Terraire safrous
- Ribiero
- Sablo
- Tepiero seco
Estànci : Termoumediterran à Mesoumediterran
Couroulougi :
Pancaro entresigna
Ref. sc. : Plantago arenaria Waldst. & Kit., 1802